சிவய.திருக்கூட்டம் sivaya.org Please set your language preference by clicking below languages link |
This page in Tamil Hindi/Sanskrit Telugu Malayalam Bengali Kannada English ITRANS Marati Gujarathi Oriya Singala Tibetian Thai Japanese Urdu Cyrillic/Russian
Selected thirumurai | thirumurai Thalangal | All thirumurai Songs |
Thirumurai |
5.094
திருநாவுக்கரசர்
தேவாரம்
அண்டத்தானை, அமரர் தொழப்படும் பண்டத்தானை, பண் - திருக்குறுந்தொகை (தொழற்பாலதே திருக்குறுந்தொகை ) Audio: https://www.youtube.com/watch?v=nxL821I7nZA |
Back to Top
திருநாவுக்கரசர் தேவாரம்
5.094  
அண்டத்தானை, அமரர் தொழப்படும் பண்டத்தானை,
பண் - திருக்குறுந்தொகை (திருத்தலம் தொழற்பாலதே திருக்குறுந்தொகை ; (திருத்தலம் அருள்தரு உடனுறை அருள்மிகு திருவடிகள் போற்றி )
அண்டத்தானை, அமரர் தொழப்படும் பண்டத்தானை, பவித்திரம் ஆம் திரு- முண்டத்தானை, முற்றாத இளம்பிறைத்- துண்டத்தானை-கண்டீர்-தொழல்பாலதே. | [1] |
முத்து ஒப்பானை, முளைத்து எழு கற்பக- வித்து ஒப்பானை, விளக்கு இடை நேர் ஒளி ஒத்து ஒப்பானை, ஒளிர் பவளத்திரள்- தொத்து ஒப்பானை-கண்டீர்-தொழல்பாலதே. | [2] |
பண் ஒத்தானை, பவளம் திரண்டது ஓர் வண்ணத்தானை, வகை உணர்வான் தனை, எண்ணத்தானை, இளம்பிறை போல் வெள்ளைச்- சுண்ணத்தானை-கண்டீர்-தொழல்பாலதே. | [3] |
விடலையானை, விரை கமழ் தேன் கொன்றைப்- படலையானை, பலி திரிவான் செலும் நடலையானை, நரி பிரியாதது ஓர் சுடலையானை-கண்டீர்-தொழல்பாலதே. | [4] |
பரிதியானை, பல்வேறு சமயங்கள் கருதியானை, கண்டார் மனம் மேவிய பிரிதியானை, பிறர் அறியாதது ஓர் சுருதியானை-கண்டீர்-தொழல்பாலதே. | [5] |
ஆதியானை, அமரர் தொழப்படும் நீதியானை, நியம நெறிகளை ஓதியானை, உணர்தற்கு அரியது ஓர் சோதியானை-கண்டீர்-தொழல்பாலதே. | [6] |
ஞாலத்தானை, நல்லானை, வல்லார் தொழும் கோலத்தானை, குணப்பெருங்குன்றினை, மூலத்தானை, முதல்வனை, மூ இலைச்- சூலத்தானை-கண்டீர்-தொழல்பாலதே. | [7] |
ஆதிப்பால் அட்டமூர்த்தியை, ஆன் அஞ்சும் வேதிப்பானை, நம்மேல் வினை வெந்து அறச் சாதிப்பானை, தவத்து இடை மாற்றங்கள் சோதிப்பானை-கண்டீர்-தொழல்பாலதே. | [8] |
நீற்றினானை, நிகர் இல் வெண்கோவணக்- கீற்றினானை, கிளர் ஒளிச் செஞ்சடை ஆற்றினானை, அமரர்தம் ஆர் உயிர் தோற்றினானை-கண்டீர்-தொழல்பாலதே. | [9] |
விட்டிட்டானை, மெய்ஞ்ஞானத்து; மெய்ப்பொருள் கட்டிட்டானை; கனங்குழைபால் அன்பு- பட்டிட்டானை; பகைத்தவர் முப்புரம் சுட்டிட்டானை-கண்டீர்-தொழல்பாலதே. | [10] |
முற்றினானை; இராவணன் நீள் முடி ஒற்றினானை, ஒருவிரலால் உற; பற்றினானை, ஓர் வெண்தலை; பாம்பு அரைச் சுற்றினானை-கண்டீர்-தொழல்பாலதே. | [11] |